دخلو كلكم ''الإعلام المغربي و علاقته بالعلمانية''

كلنا كنعرفو فهاد السنين الأخيرة كانت واحد الضجة كبيرة على التلفزيون المغربي خصوصا قناة دوزيم لي بدات كتلوح شي برامج ومسلسلات تافهة فالسنوات الأخيرة ،، وللاسف كتلقى بززاف ديال المغاربة كيتفرجو فيهم و ماعارفينش نهائيا الأسرار و المساجات لي كتدوز عبر هاد البرامج !

مووضوعنــآ اليوم غيكون على الاعلام المغربي ، سواء المرئي أو المكتوب ، والعلاقة بينهم و بين العلمانية،

قبل مندخلو فالاعلام المرئي لي غادي نفسر فيه شي حوايج من بعد ، بغيت دغيا نبهكم لواحد الحاجة مهمة ، هي أن هاد الجرائد و الصحف والمجلات المغربية عندها تأثير قوي على الناس لي كايداومو التصفح عليها كل نهار ،، وما أكثرهم متستاهنوش بيها حيتاش قبل ميكون التلفزيون و الراديو كان الجورنال هو المصدر ديال الخبر ، وكيف كتعرفو ديما الاخبار كتحتمل الصدق أو الكدب ، لي كيهمني أنا و لي بغيت نوصلو ليكم هو أنه في هاد الأواخر كاين بعض الصحف لي كتنشر شي الاخبار لي كتجدب بنادم حيتاش دابا كلشي معتمد على المادة ، الفلوس ، كلشي باغي الربح بأي وسيلة واخا تكون على حساب المواطن لموهيم بالنسبة ليهم يحققو مبيعات كبيرة فقط بعنوان عريض كيجيب الناس ولي كيخليوهم يشريو داك المطبوع ، وبطبيعة الحال المواطن ديك الساعة مكيجيهش فبالو هدشي ، لموهيم عندو هو يعرف تفاصيل الخبر و المشكل الأخطر ولي بغيت نوقف عليها وشحال من واحد ماعافرهاش هو أن بنادم كيتيق أي حاجة قرآها وهادا مشكل آآآخر كيدخل فاطار التحكم بالعقول و كيخليو بنادم ديما تابعهوم ، غادي تقولو ليا علاش ،أنقوليكم حيتاش هاد الاعلام المكتوب لي فالمغرب أو أي بلد عربي إلا و كاينين ريوس كبار متحكمين فيهم ، بغاو يدخلو واحد التيار جديد لهاد الدولة ، وللأسف راه دخل صحة ومنتشر فكٌاع ليميديا ومسيطر عليهم ، كنهضر على العلمانية ...

الاعلام المغربي كيتحكم بطريقة غير مباشرة في المجتمع تاعنا ،، وكم من أشياء تبدلات فينا بسباب برنامج شفناه ،، وممكن يكون هاد التغيير يا سلبي يا ايجابي ،، ولي خطير هو أنك تغير بطريقة سلبية ، علاش ؟ حيتاش ولات فئة كبيرة من الناس كتعتابر الاعلام شي حاجة عادية من المسلمات كيف كنقولو ،، ولكن هدشي خطأ حيتاش الانسان لي واعي هو ديما عندو ديك النظرة ديال النقد واخا معرت تكون بسيطة ،،كل نهار قنوات دوزيم و الاولى و ميدي1 كتلوح للمشاهد بزاف من المساجات كتختلف من مسج لواحد آخر على حساب دوك المسؤولين و النية ديالهم ،، باش نوضحو من لوول ،، العلمانية كتعني فصل الدين عن السلطة، المؤسسات العمومية، السياسة و و و و.... ، وهادشي كيعني بلي أي قرآر تخاد مغديش يكون مبني على الدين ديالنا ، حيتاش كل علماني كيحيد الدين من عقلو و كيتصرف على حسب الرغبة ديالو ،، ومشاهد العلمانية فالقنوات دياولنا واضحة بزاف ،،بلدي قيل عنه أنه دولة إسلامية ،، ولكن داكشي للي كنشوفو فالتلفازة متناقض تمآاما ... ،،

دوزيم : مسلسلات بالجملة لحيوانات عارية،، كنظن أنه عندهم شهادات من المواقع الاباحية، هذا يبوس فهاذي،، و لاخر كيسب فهادا بشكل عآادي،، و الاسر المغربية بجميع الاعمار مجتامعة فالبيت وكلشي حال فمو و حاضي ،، الشبح التركي لي كيهدد الهوية المغربية ،، كثرو هاد الاتراك فالتلفازات عندنا،، ها خلود ها الحب الضائع ها لميس ها مهند ،، فين ما مشيتي تلقاهم فالـديور ديال عباد الله .. مول الحانوت، الحلاق ....الخطير أننا كنشوفو عدد كبير من المراهقين تبعو هاد الثقافة الخامجة ،، خلينا الحاجة المفيدة عندهم وشدينا الزبالة والشياطة ولي مفيها نفع ،،وفين هي دبا ثقافتنا حنا؟ الغناء ،، وومنين كيجي الموسم ديال شي برامج تاع الفاحشة كيسميوه بـ "استدويو دوزيم" هاذي تغني يا مرسول الحب ولاخر يا حبيبي توحشتك ،، والعائلة المغربية كالعادة الاب و الام و الابناء يتم تلقينهم دروسا بطريقة غير مباشرةفاللباس حدث ولا حرج ..هاذشي للي ذكرت غي القشور تاع مستوى الاعلام المحلي ،، اما دكشي لي مازال ماكتباتو يدي فهو اعظم ،، والناس اللي واعية راه عارفاه ، وللي ما يقدرش ينتاقد داكشي للي كيشوف راه تيظل مقابلهم ليل ونهار . حتى يبدا هذاك الإنسان كيتبدلو فيه شحال من حوايج .. غانذكرهم من بعد ..

منين كنجيو نشوفو هاد النتائج ديال العلمانية كنلقاوهو مشتتين فينما مشيتي حيتاش الاعلام ضروري ومؤكد مايخلي فيك بصمة لا على مستوى الاخلاق و السوكات و الطريقة باش تفكر و باش كتلبس و و و .... ناخدو كمثال على الدين ديالنا ، الاسلآام ديالنا لي وصانا الرسول صلى الله عليه وسلم أننا نحافظو عليه و على المبادئ ديالو ،، شوفو فين ولينا ! بنادم مابقاش كيديها لا فصلاتو لا فوالو ، ومنين كتجي تهضر مع شي وحدة كتقول ليك حرية شخصية ولا انها كتشوف نوع اللباس لي لازم يلبسوه على انه غير رجعية و تخلف ،، هدشي كاملو لي كتشوفو راه جاي من التحكم في العقول بواسطة وسائل الاعلام ،، نزيدكم شوفو نسبة السيدا شحال وصلات فالمغرب راه رقم كيخلع حق الرب هدشي جاي أغلبيتو من الاتصال الجنسي و انتشار ديال الزنى ، بنادم ولا تيجيه عادي يفرع شي وحدة مبقات حشمة ولا الخوف من الله ، باش تشوفو أن العلمانية من أبرز الحوايج لي بغات توصل لينا هير أننا نشوفو المنكر على أنه حاجة عآآآآآادية جدآا ،، دكشي علاش قبطات فالاعلام حيتاش عارفين الشعب المغربي ساهل تأثر عليه مرئيا ..

العلمانية هي شق من الماسونية ،، حيتاش هوما بجوج عندهم هدف أسمى ولي هو تغيير العالم،، ولكن العلمانية مخصصة باش تبعد الناس عن الدين،، وهاد الرسائل اللي كيدوزو كل يوم في القنوات دياولنا، الناس كيتأثرو بهم وبالتالي العلمانية حققت الاهداف لي بغات وبالدلائل،، الناس اللي كانو كيمشيو للمسجد يصلو شحال هادي نقص العدد تاعهم بزاف ها وحدة ،،ثاني حاجة سرطان الالحاد فينما مشيتي تلقاه ،، دوز من حدا شي اعدادية ، ولا ثانوية ، الجامعة ، أي بلاصة تفكر جملة "كاسيات عاريات" .. والاغلبية تلقاها استوردت مايسمونه "ستيل" من التلفازة ،،شي كلمات فشكل ولات كتروج فالمجتمع، حتى ولات عادية ومتداولة ، من المستحييييل تفرج فشي فيلم مغربي خام وكٌاع المحتويات تاعو مغربية 100% .. بل ولا عادي نشوفو ، الشراب، البيرة، منازل الدعارة ، الفساد الاخلاقي ،..وهادشي قدام عينينا وقدام العائلة المغربية،، والخطير هو الدراري الصغار للي تيكونو كٌالسين مع الامهات و الاباء والاغلب فيهم جاهلين .. والدري تيشوف داكشي وتيترسخو ليه الافكار من تما حتى كيكبر عاد تيبانو فيه الكوارث الى هضر شي واحد معاهم ولا انتقدهم تيبررو دكشي لي كيديرو بـأنه العالم تطور وخاصنا نسايرو العالم حتى حنا ، واش أعباد الله نسايرو العالم بالغناء ، والشراب والعرا و التمسطيش وماجاور دلك ؟؟؟؟؟ كلشي واضح، غي للي ما بغا يفهم ...

هاد الشي علاش ما قراوناش باش ما نوعاوش و نحاربو الإعلآم من بعد يعني هاد شي داير بحال سنسلة الإعلام متعلق بالدولة لإسقاط الشعب في بحر الظلام ،، الجهل والإنحلال الأخلاقيبالنسبة ليا أنا ألخوت الى بقينا على هاد الطريق و استمر الحال كيفما هو عليه تأكدو بلي الفساد لي غادي ينوض فالأرض من هنا للقدام مغديش تقدر تصورو و هاد الهضرة لي قلت كاينة و العلمانية و الماسونية غادي يطغاو في جميييييع بقاع العالم و الفساد غادي يكثر لواحد الدرجة خطيرة ،، هادي راه حقيقة وانا مآمن بها ولكن في الأخير ضروري من الرجوع للاسلامية ، ضروري مانديرو عقلنا و نفكرو بيه و نحللو الاشياء و منتقبلوش أي فكرة تعطات لينا ولا أي حاجة قريناها ولا شفناها فوسائل الإعلام ،، طبقو المنهجية ديال الشك المنهجي عند ديكارت ،، يكون عندكم موقف شخصي ، قرآو وعييو راسكم بريوسكم ،، راه وآلله و تعرفو المشاكل لي غيجيو من بعد حتى تندمو ،، هاد الجيل لي جاي من أكفس الأجيال لي عرفتها البشرية ،، تعلم و علم غيرك ، أفضل طريقة باش تفادا طيح فالفخ ديالهم !! رجعو للعقيدة أخوتي و تشبثو بالاسلام ، راه هو لي غادي يدوم ،

موضوعنا سالا ونتمنى نكون وصلت ليكم ولو القليل ، وسمحولي الى طولت عليكم ،، راه بزززاف تاع الافكار بغيت نوصلها ليكم ولكن طارو ليا ،، لموهيم الى موضوع آخر

_________________
اللهم إني أعوذ بك من قهر يؤلمه ، ومن هم يحزنه ومن فكر يقلقه ، وشخص يحمل خبثاً له ، اللهم إن كانت هموم الدنيا ضائقة في صدره فاقضها له وأزلها عنه واجعل ايامه فرحاً وسعاده ، اللهم اجعل الدنيا آخر همه والآخرة أكبر همه ، اللهم اجعله غني عن حاجة عبادك ،اللهم لا تحرمه خير ما عندك بسوء ما عنده ، اللهم اجعل القرآن ربيع قلبه واغفر له ماتقدم وماتأخر من ذنبه اللهم أذقه صبرك وبرد عفوك وحلاوة حبك ولذة عبادتك استودعتك ربي حياته فاجعلها من سعادة الى سعادة واحفظ له من يخشى فقده ولا تحمله مالا طاقة له به ..